ಹೆಣ್ಣು ಕಂದನ ಮೊದಲ ಅಳುವ ಕೇಳಿದಾಗ
ತಾಯಿಯ ಕಣ್ಣಲ್ಲಿ ಹೊಳೆಯಿತು ಆನಂದ ದೀಪ

ತಂದೆ ಮನದ ರಾಣಿಯಾಗಿ ನಡೆದಾಗ
ತವರೂರು ಹಾದಿಯೇ ಅರಮನೆಯಾಗುವುದು

ಹೆಣ್ಣು ನಡೆದಾಗ ಮೂಡಿದ ಗೆಜ್ಜೆ ನಾದ
ಮನೆಯೊಳಗೆಲ್ಲಾ ಗುಡಿಗಂಟೆಯ ನಿನಾದ

ಹೆಣ್ಣು ಮನೆದೇವರಿಗೆ ಹಚ್ಚಿದ ಧೂಪ ದೀಪ
ಮನೆ ಮನದಲ್ಲೆಲ್ಲಾ ಹತ್ತಿಹುದು ಹರ್ಷದೀಪ

ನೋವು ನಲಿವಿನಲ್ಲೂ ನಗುತ ಬಾಳುವ ಹೆಣ್ಣು
ಸಂಸಾರದ ಬಂಡಿಯ ಸರಿದೂಗಿಸಿ ನಡೆವ ಸಾರಥಿ

ನೂರಾರು ಪಾತ್ರವ ತಾ ಮಾಡಿ ದಣಿಯುವ ಹೆಣ್ಣು
ಮನೆಯೊಳಗೆ ಪ್ರತಿ ಜೀವಕ್ಕೂ ಈ ಹೆಣ್ಣೇ ಕಣ್ಣು

ಹುಟ್ಟಿದ ಮನೆಗೂ ಸೇರಿದ ಮನೆಗೂ ನಂದಾದೀಪ
ನಗುವಿನ ಹೊಳೆಯ ಹರಿಸಲು ಸಂತಸದ ತೋರಣ.

ಕಾಂಚನಾ ಮೌನೇಶ್ ✍️
ಪ್ರತಾಪ್ ನಗರ, ಸೋಂಕಾಲ್